هێزە تایبەتەکانی عێراق سەرکردەیەکی باڵای "دەوڵەتی ئیسلامی لە عێراق و شام" (داعش)یان لە بەعقوبەی ناوەندی پارێزگای دیالە دەستگیرکرد، فەرماندەیی پۆلیسی دیالە رۆژی دووشەممە (10 تشرینی یەکەم) رایگەیاند.
پۆلیسی دیالە لە راگەیەنراوێکدا وتی: "یەکەیەکی تایبەتی پۆلیس رۆژی یەكشەممە بەرپرسێکی باڵای داعش کە وەك بەرپرسی حیسبە [پۆلیسی ئاینی] لە دیالە کاریدەکرد دەستگیرکرد لە ئۆپەراسیۆنێکی ئاسایشیدا لە ناوچەی تەحریری ناوەندی بەعقوبە."
لە راگەیەنراوەکەدا هاتووە کە "دەستگیرکراوەکە هاوڵاتیانی دەترساند و پارەی لە دوکاندارەکان کۆدەکردەوە بۆ داعش لە ناوچەی تەحریر."