ئەندامێکی حکومەتی ئۆپۆزسیۆنی سوریا لەناو ئەو دوانزە کەسەدایە کە رۆژی پێنجشەممە (22 ئەیلول) کوژران بەهۆی ئۆتۆمبێلێکی بۆمبڕێژکراوەوە کە "دەوڵەتی ئیسلامی لە عێراق و شام" (داعش) بەرپرسیارێتی هەڵگرتووە، ئاژانسی فرانس پرێس رایگەیاند.
داعش بەرپرسیارێتی خۆی لە هێرشەکە راگەیاند لە سەر تۆڕە کۆمەڵایەتیەکان.
بەگوێرەی هاوپەیمانیی نیشتمانیی بۆ شۆڕشی سوریا و هێزە ئۆپۆزسیۆنەکان، هێرشەکە ئاهەنگێکی کردنەوەی وێستگەیەکی پۆلیسی لە ئینخیل لە باشوری پارێزگای دەرعە کردە ئامانج.
وتەبێژی هاوپەیمانی نیشتیمانی، شادی جوندی، وتی :"دوانزە کەس، لەناویاندا وەزیری حوکمەتە خۆجێیەکەی (ئۆپۆزسیۆن)، یەعقوب عەمار، کوژران،" و چەندین کەسی تریش برینداربوون.
جوندی رایگەیاند کە لەناو قوربانیەکاندا کەسایەتی، جەنگاوەر، بەرپرسی ناوخۆیی سەر بە ئۆپۆزسیۆن هەن.
حکومەتە خۆجێیەکە لە کۆتایی 2013 دا پێکهێنرا و هەندێك دامودەزگای ناوچەکانی ژێردەستی ئۆپۆزسیۆن لە سوریا بەڕێوەدەبات.