http://diyaruna.com/ckb/articles/cnmi_di/newsbriefs/2016/09/13/newsbrief-04

×
×

پینتاگۆن کوژرانی وتەبێژی داعشی لە هێرشێکی ئاسمانیدا پشتڕاست کردەوە

پینتاگۆن رۆژی دووشەممە (12 ئەیلول) پشتڕاستیکردەوە کە هێرشێکی ئاسمانی ئەمریکا مانگی رابردوو ئەبو محەمەد عەدنانی وتەبێژی "دەوڵەتی ئیسلامی لە عێراق و شام" (داعش)ی لە باکوری سوریا کوشتوە.

سکرتێری راگەیاندنی پینتاگۆن پیتەر کوك وتی: "هێرشە ئاسمانیەکە لە نزیك باب لە سوریا بەرپرسی باڵای پروپاگەندەی داعش و دامەزرێنەری ئەندامان و ئەندازیاری ئۆپەراسیۆنە دەرەکیە تیرۆریستیەکانی [گروپەکەی] لە گۆڕەپانی جەنگەکە لەناوبرد."

وتی: "[هێرشەکە] یەکێك لە سەرکەوتوترین هێرشە ئاسمانیەکان بووە دژی سەرکردەکانی داعش، بەوانەشەوە کە بەرپرسی دارایی و پلاندانەری سەربازیان بوون و ئەمەش وادەکات ئیتر بۆ گروپەکە ئاسان نەبێت لە چالاکیەکانی بەردەوام بێت."

وتیشی ئەو ئۆتۆمبیلەی عەدنانی بۆ گەشتەکانی بەکاری دەهێنا رۆژی 30 ئاب بە موشەکی هێڵفایەر (Hellfire) پێکراوە.

ئەم بابەتەت بەدڵە؟
0

0 كۆمێنت

رێوشوێنەکانی کۆمێنت نوسین
Captcha