ئاژانسی فرانس پرێس رۆژی دوشممە (12 ئەیلول) رایگەیاند هێرشە ئاسمانییەکان بۆ سەر ناوچەکانی ژێر دەستی ئۆپۆزسیۆن لە سوریا چەندین كهسی کوشتووە لە شارە گرنگەکانی ئیدلیب و حەلەب لە باکوری وڵاتەکە.
روانگەی سوری بۆ مافەکانی مرۆڤ وتی 58 کەس کوژراون لە چەند هێرشێکدا بۆسەر ئیدلیب و بازاڕی شارەکە، بەڵام تاوەکو ئێستا دیارنیە کام لایەن هێرشە ئاسمانیەکانی ئەنجامداوە.
روانگەکە وتی 13 ژن و 13 منداڵ لەناو کوژراوەکاندان.
وتیشی 12 مەدەنی لە چەند هێرشێکی ئاسمانی نەناسراودا کوژراون لە چەندین ناوچەی حەلەب و 18 کەسیش کوژراون لە تۆپبارانی چەند ناوچەیەکی دیکەی پارێزگای حەلەب.
چەندین کەس لە هێرشەکەدا برینداربوون و بەپێی روانگەکە ئاماری کوژراوەکان دەکرێت دواتر زیاد بکات.
بەرپرسی روانگەکە رامی عەبدولروحمان وتی :"خەڵك لە بازاڕبوون بۆ کڕینی شمەك بۆ جەژنی هەفتهی داهاتوو بۆیە ئاماری [قوربانیەکان] بەرزە."