هێزەکانی عێراق ئێوارەی یەکشەممە بەپاڵپشتی فڕۆکە جەنگییەکانی هاوپەیمانان شکستیان بە هێرشێکی فراوانی "دەوڵەتی ئیسلامی لە عێراق و شام" (داعش) هێنا لە گەیارەی باشوری موسڵ وەك فەرماندەیی ئۆپەراسیۆنەکانی نەینەوا رۆژی دووشەممە (8 ئاب) رایگەیاند.
فەرماندەییەکە لە راگەیەندراوێکدا وتی هێرشەکە هەشت ناوچەی نزیك گەیارەی بەئامانج گرتبوو: کەرمەردی، خەربەردان، خەرائیب جەبر، ئەجحەلە، عەوسەجە، جسرعائیم، دۆر قەعدە و قەعدەی گەیارە.
راگەیەندراوەکە وتیشی: "فڕۆکە جەنگییەکانی هاوپەیمانیی نێودەوڵەتیی بە زیاتر لە 16 هێرشی ئاسمانیی بەشدارییانکرد لە شکستپێهێنانی هێرشەکە ."
راگەیەندراوەکە وتیشی داعش زیانی گەورەی گیانیی و دارایی بەرکەوت، بەئاماژەکردن بەوەی 104 چەکداری داعش لە ئۆپەراسیۆنەکاندا کوژران.
