پارێزگاری ئەنبار سوهەیب راوی رۆژی هەینی (29 تەمموز) وتی خێزانە ئاوارەکان بەردەوامن لە گەڕانەوە بۆ ماڵەکانیان لە سەرانسەری شارەکانی پارێزگای ئەنبار.
لە لێدوانێکدا بۆ دیارونا راوی وتی: "51,000 خێزان کە کۆی ژمارەیان دەگاتە 170,00هاوڵاتی گەڕاونەتەوە بۆ رەمادی، کەرمە، هیت، خالیدیە و ناوچەکانی دیکە. ئەوان لەلایەن کۆمیتە هاوبەشەکانەوە پێشوازیان لێکرا کە پێکهاتوون لە نوێنەرەکانی وەزارەتی بەرگری و ناوخۆ و پارێزگای ئەنبار."
وتی: "نەتەوە یەکگرتوەکان هەوڵی زۆر دەدەن کە خزمەتگوزاریەکانی ئاو و کارەباو نەخۆشخانەکان بەگەڕ بخەنەوە لەو شارانە."
وتیشی: "خەڵك بەردەوامن لە گەڕانەوە ، پاسی حکومیش ئامادەکراون بۆ گواستنەوەیان. خەڵكی فەلوجەش بەمزوانە دەگەڕێنەوە دوای ئەوەی ئۆپەراسیۆنەکانی پاککردنەوە تەواو دەبن."