وەزیری بەرگری عێراق خالید عوبەیدی لە لێدوانێکدا بۆ دیارونا وتی: "دەوڵەتی ئیسلامی لە عێراق و شام" (داعش) "دژوارترین رۆژەکانی" بەسەر دەبات دوای چەندین سەرکەوتنی هێزەکانی عێراق و بەردەوامبوونی گروپەکە لە لەدەستدانی ناوچەکانی.
عوبەیدی وتی: "ساڵی رابردوو لەم مانگەدا داعش کۆنتڕۆڵی چەندین ناوچەی دەکرد لە پارێزگاکانی ئەنبار، سەڵاحەدین، کەرکوك و نەینەوا، بەڵام ئەمڕۆ هیچ بونیان نەماوە لە فەلوجە، رەمادی، هیت، بەغدادی، بێجی، تکریت، سینیە، کەرمە، سەقڵاویە و زۆر لە شارەکانی دیکە کە بە کاتێکی پێوانەیی رزگارکران."
وتی: "کۆنتڕۆڵی داعش بەسەر ناوچەکانەوە نەك هەر لە کەمبونەوەدایە، بەڵکو ژمارەشیان زۆر کەمبۆتەوە چونکە بە سەدان ئەندامیان کوژراون لەلایەن هێزەکانی عێراق و هاوپەیمانی نێودەوڵەتیەوە."
هەروەها رۆڵی هاوپەیمانی نێودەوڵەتی لە جەنگی دژی داعش بە "زۆر گرنگ و پێویست" نرخاند.