وەزارەتی بەرگریی عێراق رۆژی دووشەممە (18 تەمموز) رایگەیاند هێزی ئاسمانیی عێراق بە هەزاران نامیلکەی بەسەر باکور و خۆرئاوای عێراقدا بەرداتەوە و تکای لە هاوڵاتیان کردووە کە بەدووربن لە بنکەکانی "دەوڵەتی ئیسلامیی لە عێراق و شام" (داعش).
وەزارەت لە راگەیەندراوێکدا وتی "هێزی ئاسمانیی عێراق ئەمڕۆ بە هەزاران نامیلکەیان بەرداوەتەوە بەسەر راوە و عەننە و قائیم لە خۆرئاوای ئەنبار، حەویجە، لە باشوری خۆرئاوای کەرکوك و ریاز، کە شارۆچکەیەکی خۆرئاوای کەرکوکە."
راگەیەندراوەکە وتی "نامیلکەکان، کە هۆشداری بۆ هەموو ئەندامانی داعش لەو ناوچانە تێدایە، تکا لە هاوڵاتیان دەکات خۆیان بەدووربگرن لە بنکەکانی ئەو گروپە."
