ئاژانسی فرانس پرێس رۆژی سێشەممە (12 حوزەیران) رایگەیاند تەقینەوەیەك لە بازاڕێکی باکوری بەغدا لانیکەم حەوت مەدەنیی کوشت و 29ی دیکەی بریندارکرد.
وتەبێژی وەزارەتی بەرگریی عێراق عەمید یەحیا رەسوڵ بە مەوتینی وت، "بەیانیی زووی سێشەممە خۆکوژێك ئۆتۆمبیلێکی بۆمبڕێژکراوی لێدەخوڕی و لە بازاڕی رەشیدییەی باکوری بەغدا تەقاندییەوە."
وتی، "هێزە ئەمنییەکان لێکۆڵینەوەیان لەسەر هێرشەکە دەستپێکردووە."
هیچ لایەنێك دەستبەجێ بەرپرسیارێتیی خۆی لە هێرشەکە رانەگەیاند، بەڵام "دەوڵەتی ئیسلامیی لە عێراق و شام" (داعش) زوو زوو تەقینەوە ئه‌نجام ده‌دات و خه‌ڵكی مەدەنی دەکاتە ئامانج.
