هه‌واڵه‌كانی عێراق

31 چەکداری داعش لە باکوری سەلاحەدین کوژران

بەڕێوەبەری پۆلیسی فیدراڵ لیوا رائید شاکر جەودەت وتی پۆلیسی عێراق بە دەیان چەکداری "دەوڵەتی ئیسلامیی لە عێراق و سوریا" (داعش)یان کوشت لە پێکدادانێکدا ئێوارەی سێشەممە (28 حوزەیران) لە بێجی باکوری پارێزگای سەڵاحەدین.

جەودەت لە راگەیەندراوێکدا وتی، "یەکەکانی پۆلیسی فیدراڵ 31 چەکداری داعشیان کوشت و لە پێکدادانێکی توندوتیژدا کە شەوی رابوردوو لە فەتحە و مەحەتە حەراریەی باکوری بێجی دروستبوو، بڕێکی زۆری تەقەمەنیی، هاوەن و ئۆتۆمبیلێکیش کە چەکی قورسی هەڵگرتبوو، تێکیانشکاند."

وتی هێزی ئاسمانیی سوپا پاڵپشتی ئاسمانیی پێشکەشکرد لە پێکدادانەکەدا کە دوای ئەوە دروستبوو کە چەکدارەکانی داعش هەوڵی پێشڕەوییان دا بەرەو هەردوو ناوچەکە.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500