پۆلیسی عێراق لە پارێزگای دیالە ئەمڕۆ (8 حوزەیران) رایگەیاند کە هێزەکانی عێراق شانەیەکی تیرۆریستی "دەوڵەتی ئیسلامی لە عێراق و شام" (داعش) یان هەڵوەشاندۆتەوە لە ئۆپەراسیۆنێکی ئەمنی دا لە باشوری بەعقوبە.
بەڕێوەبەی پۆلیسی دیالە عەقید جاسم ئەلسەعدی بە رۆژنامەنوسانی راگەیاند: "هێزێکی پۆلیسی دیالە سێ ئەندامی شانەیەکی نوستوی داعشیان دەستگیرکرد لە ناوچەیەکی باشوری بەعقوبە."
وتیشی: "هەروەها بەیانی چوارشەممە تیمێکی ئاسایش لەگەڵ پۆلیس دا چەند بۆمبێکی بەدەست دروستکراویان پوچەڵکردەوە کە لە لایەن چەند کەسێکی نەناسراوەوە چێنرابوون لە چەند ناوچەیەک کە دەیانویست خەڵکی بێتاوان بکەنە ئامانج."