http://diyaruna.com/ckb/articles/cnmi_di/features/2019/04/10/feature-02

×
×
ئاساییش |

پۆلیسی دیالە 3 ئەمیری داعش دەستگیردەکات

خالید تائی

ئەندامانی پۆلیسی دیالە بەسەر چەند شوێنێکدا دەدەن لە بەنی سەعد لە سەرەتای 2017. [خاوەنی وێنە: فەرماندەیی پۆلیسی دیالە]

پۆلیسی دیالە سێ ئەمیری رێکخراوی "دەوڵەتی ئیسلامی" (داعش)یان دەستگیرکرد لە زنجیرەیەك "بەسەردادانی کتوپڕ"دا لە پارێزگاکە، فەرماندەیی پۆلی سێشەممە (9 نیسان) رایگه‌یند.

وتەبێژی فەرماندەییەکە عەقید غالیب عەتیە بە دیارونای وت: "هێزێکی هاوبەشی پۆلیس و هەواڵگری سێ سەرکردەی تیرۆریستیان دەستگیرکرد کە وەك ئەمیری داعش خزمەتیان دەکرد."

وتی دەستگیرکردنەکان لە ئەنجامی "بەسەردادانی کتوپڕدا بوون بۆ سەر شوێنی سەرکردەکان لە ناوچەکانی موخەیسە، نەدا و مەقدادیە".

عەتیە وتی دەستبەسەرکراوەکان تێوەگلاون لە چەندین تاوانه‌وه‌ و وتیشی دەستگیرکردنیان لە ئەنجامی هاریکاریی هاوڵاتیانه‌وه‌ بوو لەگەڵ دەزگا ئەمنی و هەواڵگرییەکان.

وتی ‌هێزەکانی عێراق "کاردەکەن شانبەشانی دەزگا هەواڵگرییەکان بۆ شوێن دۆزینەوەی چەتەکانی داعش" و ئاماژەیکرد بەوەی "دەستمانکردووە بە پشتبەستن بە زانیاریی هاوڵاتیان".

وتی ئەم زانیاریانه‌ "توانایەکی زیاتریان پێداوین بۆ شوێن دۆزینەوەی پاشماوەکانی داعش و لێدانیان لە ئۆپەراسیۆنی کواڵیتی باڵادا بەبێ پێویستی بەگەڕخستنی یەکە ئەمنیەکان و ئەنجامدانی هەڵمەتی گەڕانی فراوان بۆ تیرۆریستان لە شار و گوندە دوورەدەستەکان".

زانیاری خەڵکی ناوچەکە "بووەتە بەشێکی گرنگی کارەکەمان، لەگەڵ ئەو زانیاریانەی پێماندەگات لە ددانپێدانانی پاشماوە دەستبەسەرکراوەکانی داعشەوە".

عەتیە وتی هێزەکانی پۆلیس و سوپا و خێڵەکیەکان کۆنترۆڵی هەموو ناوچەکانی پارێزگاکە دەکەن و جەختیکردەوە كه‌ "هیچ شوێنێك نیە بۆشایی ئەمنی تێدابێت".

وتی: "پاشماوەکانی داعش چیتر کاریگەرییان نیە چونکە زۆربەیان یان هەڵاتوون، دەستگیرکراون یان کوژران لەکاتی هەڵمەتە ئەمنیەکاندا کە بەردەوام ئەنجامدەدرێن شانبه‌شانی یەکە سەربازییەکانی دیکە و خێڵەکییەکان."

وتیشی: "پێشڕەویی بەدەستدەهێنین لە هەوڵەکانماندا بەهۆی ورەی هاوڵاتیان و گەشەکردنی بەردەوامی دەزگا هەواڵگرییەکانمانه‌وه‌."

ئەم بابەتەت بەدڵە؟
1

0 كۆمێنت

رێوشوێنەکانی کۆمێنت نوسین
Captcha