http://diyaruna.com/ckb/articles/cnmi_di/features/2019/04/03/feature-02

×
×
کۆمەڵگا |

'پاشاگەردانییه‌كی بەربڵاو' لە ناوچەکانی ژێردەستی تەحریر شام

وەلید ئەبولخەیر لە قاهیرە

image

سەرکردەی بەرەی رزگاری سوریا، رەحمۆ عابیدین و کوڕەکەی بیلال دەستبەسەرکران لەلایەن تەحریر شامەوە به‌هۆی دژایەتیکردنی سیاسەتەکانییه‌وه‌. [خاوەنی وێنە: هەیسەم ئیدلیبی]

ناوچەکانی باکوری سوریای ژێردەستی تەحریر شام چیتر سەلامەت نین بۆ مەدەنیەکان لەبەر پاشاگەردانی بەربڵاو کە رێگەی پێدراوە بێ لێکۆڵینەوە بەردەوامبێت، چالاکوانێکی ناوچەکە بە دیارونای وت.

چالاکوان حەسەن ئیدلیبی وتی ئەو هاوپەیمانێتیە توندڕەوە دەستێوەردانی نەکردووە بۆ رێگرتن لە ژمارەی بەرفراوانی رفاندن و تاڵانی و کوشتن و بەشدارییکردووە لە دۆخەکەدا بە گرتنی رۆژانەی رکابەرەکانی.

بە دیارونای وت: "مەدەنیەکانی ناوچەکانی ژێردەستی تەحریر شام لە ئیدلیب و حەلەب و حەمما توڕەن لە پاشاگەردانی لە ناوچەکانیان و ئەو هاوپەیمانێتیە توندڕەوە تۆمەتباردەکەن به‌ کەمتەرخەمی لە سه‌پاندنی یاسا و رێساكاندا."

وتی چالاکوانەکانی ناوچەکە ئەو تاوانانەیان ئه‌ژماركرد کە ته‌نها مانگی ئازاردا روویانداوە.

image

تەحریر شام چالاکوان حەسەن ناسر ئەبو عەبدوڵایان دەستبەسەرکرد له‌سه‌ر دژایەتیکردنی ئەو هاوپەیمانێتیە توندڕەوە. [خاوەنی وێنە: هەیسەم ئیدلیبی]

لەنێویاندا کوشتنی حەوت مەدەنی لەکاتی تاڵانیدا، کە بازرگانیشیان تێدابوو، خەڵکی پیر و دوو خوشك و برا کە بڕێکی زۆر پارەی خێریان بەدەست گەیشتبوو بۆ یارمەتیدانی تەندروستی خراپیان و باری داراییان.

ئیدلیبی وتی "یەکە ئەمنیەکان"ی تەحریر شام هیچ کارێکیان نەکردووە بۆ رێگرتن لەم تاوانانە و لەجیاتی ئەوە لە هیچ شوێنێك نابینرێن.

وتی تەنیا "بوونی ئەمنی" لەم ناوچەیە یەکەکانی تەحریر شامە کە بەدوای رکابەرەکانیاندا دەگەڕێن و ئاماژەیکرد بەوەی بازگە ئەمنیەکان بەهەمانشێوە تەرکیز دەخەنە سەر بەئامانجکردنی دژەکان.

چالاکوانانی ئۆپۆزسیۆن دەستبەسەرکراون

ئیدلیبی وتی ئەو هاوپەیمانێتیە توندڕەوە بەتایبەتی تەرکیزی لەسەر بەئامانجکردنی چالاکوانان بووە، بەتایبەتی ئەوانەی لەنێو یەکەمین شۆڕشگێڕاندا بوون و هه‌ژمونی بەرچاویان لەنێو خەڵکدا هەیە.

وتی ئەم کەسایەتیانە ناسراون بە دژایەتیان بۆ سیاسەت و بڕیارەکانی تەحریر شام و لەنێویاند حەسەن ناسر ئەبو عەبدوڵا هەیە، یەکێك لە یەکەمین شۆڕشگێران، کە خەڵکی شارۆچکەی جەرجنازە لە دەوروبەری حەلەب.

ئەو هاوپەیمانێتیە توندڕەوە بەمدواییانە گەمارۆی جەرجنازی دا و هێرشی کردە سەری.

هەروەها رەحمۆ عابدینیان تێدایە، سەرکردەیبەرەی رزگاری سوریالەگەڵ کوڕەکەی بیلال، كه‌ خەڵکی شاری مەعەرەت نوعمانن، هه‌روه‌ها گەنجێك لە شاری سەرمەدا بەناوی محەمەد وەقاس.

ئیدلیبی وتی لە ئاماژەیەکی دیکەی مامەڵەکردنی سه‌ركوتكه‌رانه‌یدا لەگەڵ خەڵکی ناوچەکە، تەحریر شام دەستیگرت بەسەر ئۆتۆمبیلێکی فریاگوزاریدا کە خزمەتگوزاریی دابیندەکرد لە دەوروبەری حەلەب و هی رێکخراوێك بوو کە پاڵپشتی دارایی لە دانیشتوانەوە پێدەگەیشت.

وتی ئەمە بە پاساوی ئەوەی ئۆتۆمبیلەکە لەلای تەحریر شام تۆمارنەکرابوو. ئاماژەیکرد بەوەش كه‌ هەنگاوەکە دانیشتوانی ناوچەکەی بێبەریکرد لە خزمەتگوزاری کتوپڕی فریاکەوتن کە ئۆتۆمبیلەکە دابینیدەکرد.

ئەم بابەتەت بەدڵە؟
0
نەخێر

0 كۆمێنت

رێوشوێنەکانی کۆمێنت نوسین
Captcha