هه‌واڵه‌كانی عێراق
سیاسەت

هێزی قودسی پاسداران بەردەوامە لە چەکدارکردنی میلیشیا عێراقیەکان

فارس عومران

لەم وێنەیەدا کە لەسەر ئینتەرنێت لە 21 تشرینی یەکەم لەلایەن میلیشیاکەوە بڵاوکراوەتەوە، ئەندامانی کەتائیب ئیمام عەلی سەر بە ئێران دەبینرێن.

لەم وێنەیەدا کە لەسەر ئینتەرنێت لە 21 تشرینی یەکەم لەلایەن میلیشیاکەوە بڵاوکراوەتەوە، ئەندامانی کەتائیب ئیمام عەلی سەر بە ئێران دەبینرێن.

بەگوێرەی چاودێرانی عێراقی، هێزی تایبەتی قودسی سه‌ر به‌ سوپای پاسدارانی شۆڕشی ئیسلامی ئێران بەردەوامە لە چەکدارکردنی میلیشیا عێراقیەکانی سەر بەخۆی بە ناردنی چەردەی چەك و موشەك، بەبێ هیچ حسابکردنێك بۆ یاسای عێراقی.

وتیان ئەم هەوڵە بەئەنقەستە بۆکەمبایەخکردنی سەروەریی یاسای عێراقئاماژەیە بەوەی ئێران هەوڵی گرتنەبەری "رێکاری دوژمنکارانەتر" دەدات بۆ هەڕەشەکردن لە ئاسایشی عێراق و ناوچەکە لەکاتێکدا فشاری نێودەوڵەتی بۆسەری چڕدەبێتەوە.

ئابی رابردوو، لایه‌نه‌ رۆژنامەوانیەکان بڵاویانکردەوە كه‌ لەم چەند مانگەی رابردوودا ئێران بە خەمڵاندن 20 موشەکی بالیستیی ناردووە بۆ میلیشیاکانی سەر بە خۆی لە عێراق وەك بەشێك لە بەرنامەیەك کە لەلایەن فەرماندەی سوپای تایبەتی قودسه‌وه‌، لیوا قاسم سلێمانی، سەرپەرشتی دەکرێت.

موشەکەکان زولفەقار، فاتیح 110 و زه‌لزالیان تێدابوو، بە مەودای نێوان 200 بۆ 700 کیلۆمەتر.

لەم وێنەیەدا کە میلیشیاکە لە 26 کانونی یەکەم 2017 لەسەر ئینتەرنێت بڵاویکردەوە، ئەندامانی جوند ئیمام دەبینرێن بەشداریدەکەن لە نمایشێكی سەربازیدا لە سامەڕا.

لەم وێنەیەدا کە میلیشیاکە لە 26 کانونی یەکەم 2017 لەسەر ئینتەرنێت بڵاویکردەوە، ئەندامانی جوند ئیمام دەبینرێن بەشداریدەکەن لە نمایشێكی سەربازیدا لە سامەڕا.

پسپۆڕێكی سەربازی، موئەیەد سەلیم جوحەیشی، وتی لەچاوی تارانەوە، چەکدارکردنی میلیشیاکانی سەر بە خۆیان بە چەك "بژاردەیەکە دەبێت جێبەجێبکرێت" وەك بەشێك لە ستراتیژیه‌كه‌ی بۆ سەپاندنی هەژمونی خۆی.

جوحه‌یشی ویت: "ئه‌وه‌ سروشتیە و جێی گومان نیە کە ئێرانیەکان چەك و موشەکیان ناردووە بۆ میلیشیاکانیان لە عێراق، بەتایبەتیکەتائیب حیزبوڵا و عەسائیب ئەهل حەقو جوند ئیمام."

وتی: "چەکەکان دەکرێت چەکی سوك بن و مۆدێلی موشەکەکانیش کورتمەودابن و لەڕووی تەکنەلۆژییەوە پێشکەوتوو نەبن کە ئامانجەکانیان بە وردی بپێکن، بەڵام هەرگیز ناتوانین ئەگەری ئەوە دابنێین کە چالاکی لەو جۆرە رووینەداوە یان وەستاوە."

پشتیوانی بۆ دروستکردنی موشەك

جوحەیشی وتی سەرەڕای گواستنەوەی چەك بۆ نێو عێراق لەڕێی دەروازەیەکی سنوریی نهێنییەوە، ئێرانیەکان پشتیوانیی میلیشیاکانی سەر بە خۆیان دەکەن تا یارمەتییان بدەن لە دروستکردنی موشەك لەنێو عێراقدا، بەتایبەتی لە بەغدا و کەربەلا.

وتی ئەوەی سەرپەرشتی ئەم هەوڵە دەکات هێزی قودسە، وتیشی بەگوێرەی راپۆرتە رۆژنامەوانیەکان، "عێراقیەکان لە ئێران راهێنانیان پێکراوە دەربارەی ئەوەی چۆن موشەکەکان بەکاربهێنن".

شیکاروانی سیاسی، عادل ئەشرام بن عەمار بە دیارونای وت شەپۆلێکی "بەردەوام"ی گواستنەوەی چەك هەیە لە ئێرانەوە بۆ عێراق، هاوکات بە "هەوڵەکانی ئێران بۆ پێشکەشکردنی راهێنان و راوێژ بۆ میلیشیاکان".

وتی ئێران هەوڵدەدات پێگەی خۆی لە عێراق بەهێزبکات لەڕێی میلیشیاکان و پشتگیریكردنیانه‌وه‌ لەو وڵاتەدا، "لەئێستاشدا به‌ره‌و ئه‌وه‌ ده‌ڕوات ئه‌و پشتگیرییه‌ زیاتربکات لە هەر کاتێكی تر، بەهۆی دۆخی ئێستاوە".

وتیشی: "چاوی لەوەیە هەنگاوی دوژمنکارانەتر بنێت بۆ هێشتنەوەی هه‌ژمونی خۆی." هه‌روه‌ها وتی پاڵپشتیکردنی میلیشیاکان بە موشەك و چەك و راهێنان "یەکێکە لە گرنگترین ئامرازەکان".

بەگوێرەی بن عەمار، ماوەیەکە سوپای قودس پاڵ بە میلیشیا عێراقیەکانی سەر بە خۆیەوە دەنێت تا بێنەڕیزی پێشەوەی سیاسەت لە عێراق، کە دەبێتە هەڕەشە لە ئاسایشی عێراق و ناوچەکە.

وتی ئێران بەتەواوی متمانەی بە دڵسۆزیی ئەو گروپە چەکدارانە هەیە بۆی و دڵسۆزەکانیشیان "ملکەچی فەرمانەکانی دەبن" بەبێ پرسیارکردن، چونکە ملکەچبوون ئەرکە، "تەنانەت گەر لەسەر حسابی ئاسایش و بەرژەوەندی وڵاتەکەی خۆشیان بێت".

رێکاری ئەمنی توندتر لە دەروازە سنورییەکان

بن عەمار وتی هەڕەشەی میلیشیاکانی سەر بە ئێران زیاددەکات و ئاماژەیکرد بەوەی ئێرانیەکان ئێستا "هەوڵدەدەن پشێوی دروستبکەن بە ناردنی چەك بۆ نێو عێراق تا بەرەیەك بكه‌نه‌وه‌ بۆ شەڕ و ململانێ و پێکدادان".

وتیشی ئەم میلیشیایانە ئه‌جه‌ندای رژێمی ئێران جێبەجێدەکەن و "دەرفەتێك دەدەن بە ئێران بۆ دەستبەسەراگرتنی سەرچاوە مرۆیی و ئابورییەکانی و خستنە دەستی ئێرانەوە".

پسپۆڕێكی بواری ستراتیژی، ئەحمەد شەریفی بە دیارونای وت لەبەر ئەمە، دەبێت عێراق رێکارە ئەمنیەکانی دەروازە سنورییەکان توندتر بکات تا رێگربێت لە هاتنی چەك و موشەك به‌ نایاسایی.

وتی: "ئەوە گرنگە کە هەر چەکێك بە هەر جۆرێك بێت لە دەستی دەوڵەتدا بێت، چونکە ئەمە یەکێکە لە چەمکە سەرەتاییەکان و بنەمایەکی دەوڵەتی مۆدێرنە."

وتیشی: "هەر هاوردەکردنێکی چەك دەبێت بەژێر یاسای توند و رێکاری پتەودا بڕوات کە مۆڵەت بە قاچاخیانی چەك نەدات یان چەکەکان بکەونە دەستی لایەنێكه‌وه‌ لە دەرەوەی دەزگا فەرمییەکان."

هه‌روه‌ها وتی: "کۆنترۆڵکردنی چەك بەشێکی گرنگ و دانەبڕاوە لە هەوڵەکان بۆ بەڕێوەبردن و زاڵبوون بەسەر قەیرانەکاندا لە عێراق و رێنەدان بەوەی وڵاتەکە بەلاڕێدا ببرێت بۆ نێو شەڕ و پشێوی و بێیاسایی."

ژەنەراڵ جۆزێف ڤۆتێل، کە سەرکردایەتی فەرماندەیی ناوەندی ئەمریکا دەکات، له‌ نیسانی رابردوودا وتی ئەمریکا ئامرازی ناڕاستەوخۆ بەکاردەهێنێت بۆ سنووردارکردنی فراوانخوازیی ئێران و پشتگیریی بۆ گروپە چەکدارەکان لە ناوچەکە.

وتیشی ئەمریکا تەگەرە دەخاتە بەردەم چالاکیەکانی ئێران، بە رێگرتن لە ناردنەدەرەوەی نایاسایی چەك بۆ وڵاتانی خۆرهەڵاتی ناوەڕاست.

ئەم بابەتەت بەدڵە؟

1 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500

خودایه‌ به‌رگری ئیسلامی له‌ عێراق سه‌ربخه‌ و پشتگیری له‌ كۆماری ئیسلامی ئێران بكه‌ و به‌هێزی بكه‌! خوادایه‌ ریاكاران رسوا بكه‌ كه‌ به‌كرێگیراوی زایۆنیسته‌كانن!

وه‌ڵام بده‌ره‌وه‌