هه‌واڵه‌كانی عێراق
ئاساییش

کوردانی عێراق هێرشی دەستپێشخەرانە ده‌كه‌نه‌سه‌ر پاشماوەکانی داعش

خالید تائی

هێزه‌كانی ئاسایش ئەندامێکی تۆڕێکی داعش لە سلێمانی دەستگیردەکەن لە ئۆپەراسیۆنێکی دەستپێشخەرانەی ئەمدواییەدا. [خاوەنی وێنە: پی یو کەی میدیا]

هێزه‌كانی ئاسایش ئەندامێکی تۆڕێکی داعش لە سلێمانی دەستگیردەکەن لە ئۆپەراسیۆنێکی دەستپێشخەرانەی ئەمدواییەدا. [خاوەنی وێنە: پی یو کەی میدیا]

هێزە ئەمنیەکان لە هەرێمە کوردییەکەی عێراق ئۆپەراسیۆنی دەستپێشخەرانە ئەنجامدەدەن بۆ نەهێشتنی پاشماوەکانی رێکخراوی "دەوڵەتی ئیسلامی لە عێراق و سوریا" (داعش).

بەپشتیوانی هاوپەیمانی نێودەوڵەتی، ئەم هێزانە زنجیرەیەك هێرشیان ئەنجامدا بۆ بنەبڕکردنی تۆڕەکانی داعش لە باشوری پارێزگای سلێمانی.

گروپەکە هەوڵدەدات خۆی بەهێزبکاتەوە لە ناوچەی سەختی سنووری کارگێڕیی نێوان پارێزگاکانی سلێمانی و دیالە و سەلاحەدین و کەرکوك.

وتەبێژی پۆلیسی ئیدارەی گەرمیان، عەقید عەلی جەمال قەدوری، وتی هەفتەی رابردوو، هێزەکانی پێشمەرگە، بەپشتیوانی هێزی ئاسمانیی هاوپەیمانی نێودەوڵەتی، زنجیرەیەك هێرشیان ئەنجامدا دژی پاشماوەی چەکدارانی داعش لە باشوری سلێمانی.

یەکەیەکی تایبەتی هێزە کوردییەکانی ئاسایش لە سلێمانی ئەندامی تۆڕێكی سەر بە داعشیان دەستگیرکرد لەم چەند مانگەی رابردوودا. [خاوەنی وێنە: پی یو کەی میدیا]

یەکەیەکی تایبەتی هێزە کوردییەکانی ئاسایش لە سلێمانی ئەندامی تۆڕێكی سەر بە داعشیان دەستگیرکرد لەم چەند مانگەی رابردوودا. [خاوەنی وێنە: پی یو کەی میدیا]

هێرشەکان لە ناوچەی پەڵکانە چڕبووبوونەوە لە قەزای کفری، کە لەژێر چاودێریی پۆلیسی گەرمیاندایە.

قەدوری وتی هێرشی ئاسمانیی چڕوپڕ تەرکیزیان دەکردە سەر ئەو چەکدارانەی داعش کە شوێنیان بەهۆی زانیارییەکانی پێشمەرگەوە دیاریکرابوو.

وتی هێرشەکان ئۆپەراسیۆنی گەڕانی بنکەفراوانیان بەدواداهات لە ناوچەی پەڵکانە.

وتیشی هێرشە هاوبەشەکە ژمارەیەك ئەندامی داعشی کوشت و حەشارگەکانی گروپەکەی لەو ناوچەیە تێکشکاند و ئۆپەراسیۆنەکەی بە "سەرکەوتوو" لەقەڵەمدا.

هێزی هاوبەشی پێشمەرگە و ئاسایشی کوردی له‌ گەرمیان (هێزە ئەمنیە کوردییەکان) بەدوایدا ئۆپەراسیۆنێکیان ئه‌نجامدا بۆ پاککردنەوەی رێگەکان لەو تەقەمەنیانه‌ی لەلایەن داعشەوە لە پەڵکانە چێنرابوون.

وتی: "لەکاتی پوچەڵکردنەوەی بۆمبەکاندا، چەکدارانی داعش هێرشیانکردە سەر هێزەکانمان و تەقەمان لەیەکتر کرد و توانیمان دووریان بخەینەوە بۆ شوێنی نادیار."

'لە راوەدونانی داعش ناوەستین'

توندڕەوەکان ماوەیەکە پێگەکانیان لەنێو سنووری کارگێڕیی قەزاکانی نێوان سلێمانی و پارێزگاکانی دەوروبەری بەهێزدەکەن، کە چیا و خاکی سەخت وادەکه‌ن سه‌خت بێت بۆ هێزە ئەمنیەکان دەستیان پێیانڕابگات.

قەدوری وتی: "بەڵام ئێمە بەردەوامدەبین لە ئۆپەراسیۆنە دەستپێشخەرانەکانمان لەوێ و ناوەستین لە راوەدونانی داعش و تەڵەنانەوە بۆیان تا ئەوکاتەی دەستگیردەکرێن یان دەکوژرێن."

وتی پاڵپشتی هاوپەیمانی زۆر گرنگە لە بەدەستهێنانی ئەو ئامانجە، وتیشی: "هاوبەشی لەگەڵ [هێزەکانی هاوپەیمانان] ئەنجامی گرنگی بەدەستهێناوە لەکاتێکدا بەردەوامین لە پلانەکانمان بۆ شكستهێنان بە تیرۆریستان."

هێزەکانی ئاسایش لە سلێمانی رایانگەیاند لە 8 کانونی یەکەم و لەنێوان ئەیلول و تشرینی دووەمدا، شەش ئەندامی تۆڕێکی سەر بە داعشیان دەستبەسەرکردووە، لەنێویاندا ئینغیماسییان [خۆکوژان].

لە بەیاننامەیەکدا رایانگەیاند كه‌ دوو خۆکوژی ناسراو بە ئەمیر، 19، وه‌ کاروان کوردی، 18، لە ئۆپەراسیۆنێکی 3 ئەیلولدا دەستگیرکران.

لە 10 تشرینی دووەم، ئاسایش کەسێکی دەستگیرکرد کە بەرپرس بوو لە گواستنەوەی توندڕەوان بۆ سلێمانی و ناسرابوو بە ئەبی عومەر، 28؛ لەگەڵ دوو خۆکوژ، ئەبی سوفیان کوردی، 21، وه‌ چالاك کوردی، 16.

بەیاننامەکە راشیگەیاند كه‌ دوو رۆژ دواتر، گومانلێکراوێکی دیکە دەستگیرکرا کە تۆمەتباربوو بە گواستنەوەی توندڕەوان بۆ سلێمانی.

بەگوێرەی بەیاننامەکە ئەم تۆڕە لەلایەن ئەو توندڕەوانەوە بەڕێوەدەبرا کە چالاکن لە پارێزگاکانی کەرکوك و دیالە، بەناوبانگترینیان حاجی موسعەب کە سەرپەرشتیی خۆکوژانی دەکرد.

بەرگریی بەتین

ئەندام پەرلەمانێكی پێشووی کورد، عەبدولباری زێباری ئەم ئۆپەراسیۆنە دەستپێشخەرانەیه‌ی وەك بەڵگەیەك بینی کە پلانەکانی بنەبڕکردنی ئەندامان و خانەکانی داعش بەردەوامن.

بە دیارونای وت: "هەرچەندە گروپەکە هەوڵدەدات چالاکیەکانی دەستپێبکاتەوە، بەرگریی بەتین و خێرا هەبووە لەلایەن پێشمەرگە و هێزەکانی دیکەی عێراقەوە."

وتی هاریکاریی نێوان حکومەتی ناوەند و حکومەتی هەرێمی کوردستان "بۆتە هۆی ئاکامی ئەرێنی لەکاتی شەڕەکانی دژی داعشدا و فاکتەری سەرەکی بووە لەپشت شکستی ئەو گروپە تیرۆریستیەوە".

وتی بەهەمانشێوە، هاوبەشیی هێزە کوردییەکان لەگەڵ هاوپەیمانی نێودەوڵەتی "بەتینە"، وتیشی: "هەروەك سەرکەوتووبووین لە دەرکردنی داعش پێكەوە، بەردەوامدەبین لە هاریکاری بۆ شکستهێنان بە پاشماوەکانی گروپەکە".

مامۆستای زانسته‌ سیاسیه‌كان لە زانکۆی بەغدا، خالید عەبدولئیلاه، وتی داعش هەوڵدەدات سوودببینێت لە ناکۆکی و رکابەریی سیاسی بۆ خۆڕێکخستنەوە، بەتایبەتی لەسەر ناوچە سنورییەکانی نێوان هەرێمی کوردستان و پارێزگا عێراقیەکان، بەتایبەتیش کەرکوك.

وتی هاریکاریی بەهێزی نێوان حکومەتی هەرێمی کوردستان و وەزارەتی بەرگری گرنگە و خزمەت دەکات وەك بەرپێگرتنێك له‌ چالاکی زیادبووی تیرۆریستان.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500