هه‌واڵه‌كانی عێراق
ئاساییش

کەرکوك رێکاری ئەمنیی زیاتر بەخۆوە دەبینێت بۆ راوەدوونانی پاشماوەکانی داعش

خالید تائی

ئەندامانی یەکەکانی ئۆپەراسیۆنە تایبەتەکانی دووەمی سەر بە دەزگای دژەتیرۆریزم گەڕەکی دۆمیز دەگەڕێن لە پارێزگای کەرکوك بۆ دۆزینەوەی پاشماوەکانی داعش له‌ 19 تشرینی دووەم. [خاوەنی وێنە: دەزگای دژە تیرۆریزمی عێراق]

ئەندامانی یەکەکانی ئۆپەراسیۆنە تایبەتەکانی دووەمی سەر بە دەزگای دژەتیرۆریزم گەڕەکی دۆمیز دەگەڕێن لە پارێزگای کەرکوك بۆ دۆزینەوەی پاشماوەکانی داعش له‌ 19 تشرینی دووەم. [خاوەنی وێنە: دەزگای دژە تیرۆریزمی عێراق]

سەرۆکی نوسینگه‌ی راگەیاندنی پارێزگای کەرکوك، مەروان عانی، هەینی (14 کانونی یەکەم) بە دیارونای وت دەزگای دژەتیرۆریزمی عێراق لە گەڕاندایە بۆ دۆزینەوەی چەکدارانی "رێکخراوی دەوڵەتی ئیسلامی لە عێراق و شام" (داعش) کە لە شاری کەرکوك خۆیان حەشارداوە و ئەمەش بەشێکە لە پلانێکی نوێی توندوتۆڵکردنی ئەمنییەت.

وتی: "هێزەکانی ئۆپەراسیۆنە تایبەتەکانی دووەم کە سەر بە دەزگای دژەتیرۆریزمن، ئۆپەراسیۆنی گەڕانی گەورەیان ئەنجامداوە دژی پاشماوەی تیرۆریستەکان لە 26 تشرینی دووەمەوە."

وتیشی ئۆپەراسیۆنەکان چەند گەڕەکێکیان لە شاری کەرکوك لەخۆگرتووە و 12 چەکداری داعشیان گرتووە کە "دزەیانکردبووە ناو شارەکەوە بۆئەوەی هێرش ئەنجامبدەن دژ بە دانیشتووانەکە و هێزە ئەمنییەکان".

عانی وتی دەستگیرکردنەکان پێشکەوتنێکی گەورە دەردەخەن چونکە کەرکوك "زۆر دەمێكە رێکاری ئەمنی ئەوەندە توندی ئەزموون نەکردووە بۆ راوەدوونان و ده‌ستگیركردنی تیرۆیستان بەووردی".

ئەم رێکارە چالاکانە بەندن بە پلانێكی نوێی توندی ئەمنییەوە لە شارەکەدا بە هاوکاری دەزگای دژەتیرۆریزم و تەواوی هێزە ئەمنییەکان، بە هاوکاری پۆلیسی فیدرالی و فەرماندەییەکانی ئۆپەراسیۆنە هاوبەشەکان لە پارێزگاكانی هاوسێی.

عانی وتی ئەمنییەت تەنیا بە هێزی سەربازی پتەو نەبووە، دەبێت سوپاسی هاوکاری دانیشتووانەكه‌ش بکرێت، "چونکە پەیوەندی نزیك و چالاکی نێوان هاونیشتمانیان و هێزە ئەمنییەکان ئاسایش باشتر دەکات و دۆزینەوەی تیرۆریستەکان ئاسانتردەکات."

وتی رەوشی ئەمنی له‌ناو شارەکەدا باشتربووە، هەرچەندە هێرش دەکرێت لێرە و لەوێ لە رۆژئاوا و باشوری پارێزگای کەرکوك، لە ناوچەکانی نزیك شارۆچکەی حەویجە و رەشاد و عەباسی و زاب و مولتەقا.

وتیشی: "چەند شانه‌یه‌كی داعش چالاکن لەو ناوچانەدا، بەتایبەتی لە وادی شای و روباری زوغەیتون" بەڵام چاودێری بەردەوام و هەڵمەتەکان رێگرن لەوەی توندڕەوەکان بە ئازادی بێن و بچن.

پۆلیس هەینی رایگه‌یاند كه‌ لەلایەکی دیکەوە تیمی تەقەمەنییەکانی پۆلیسی کەرکوك چەندین تەقەمەنی دەستکرد و تەقەمەنی دیکەی نەتەقێنراوەیان لابردووە لە چەندین ناوچەی كه‌ركوك.

لە بەیاننامەیەکدا رایگه‌یاند: "تیمی تەقەمەنییەکان 85 تەقەمەنی دەستکردیان لابردووە لەگەڵ 50 بۆمب کە دانرابوون بۆ تەقاندنەوە لە رۆژئاوای داقوق."

بەیاننامەکە راشیگه‌یاند كه‌ هەموو تەقەمەنییەکان لابران و برانە ناوچەیەکی دوورەدەست بۆ تەقاندنەوە.

ئەم بابەتەت بەدڵە؟

1 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500

ئێمه‌ له‌ خودا ده‌خوازین ئاسایش و ئه‌مانمان بداتێ له‌ وڵاتانی عه‌ره‌بیدا.

وه‌ڵام بده‌ره‌وه‌