http://diyaruna.com/ckb/articles/cnmi_di/features/2018/10/09/feature-04

ئاساییش |

 'ئۆپەراسیۆنەکانی کۆتا هۆشداری' پاشماوەکانی داعش لە بیابانی ئەنبار دەکەنە ئامانج

خالید تائی

Di icons tw 35 Di icons fb 35

سەربازانی عێراقی دەبینرێن کە کەمپێکی جێهێڵراوی رێکخراوی 'دەوڵەتی ئیسلامی لە عێراق و سوریا' دەڕوخێنن لە بیابانه‌كه‌ی نزیك بە شاری قائیمی خۆرئاوای ئەنبار لەسەر سنوور. [خاوەنی وێنە: فیرقەی 8ی پیادە]

هێزە هاوبەشەکانی عێراق، یەکشەممە (7 تشرینی یەکەم) هەڵمەتێکی ئەمنیی گەورەیان دەستپێکرد بۆ بنەبڕکردنی پاشماوەکانی رێکخراوی "دەوڵەتی ئیسلامی لە عێراق و سوریا" (داعش) لە بیابانی پارێزگای ئەنبار و ناوچەی جەزیرە کە لەنێوان نەینەوا و ئەنباردایە.

ئەو هەڵمەتە کە بە "ئۆپەراسیۆنەکانی کۆتا هۆشداری" ناودەبرێت، یەکەکانی فەرماندەیی ئۆپەراسیۆنەکانی ئەنبار و جەزیرەیان تێدایە لەگەڵ چەکدارە خێڵەکیەکان، بە پاڵپشتی ئاسمانیی سوپای عێراق و فڕۆکەکانی هاوپەیمانی نێوده‌وڵه‌تی.

وتەبێژی وەزارەتی بەرگری، لیوا تەحسین خەفاجی وتی هەڵمەتەکە لەژێر سەرپەرشتی راستەوخۆی فەرماندەی هێزە چەکدارەکان حەیدەر عەبادی، وەزیری بەرگری عیرفان حەیالی و فەرماندەیی ئۆپەراسیۆنە هاوبەشەکان ئەنجامدەدرێت.

لە مانگی ئابدا، سەربازانی عێراقی لە بیابانی ئەنبار بڵاوکرانەوە بۆ شوێنکەوتنی پاشماوەکانی رێکخراوی 'دەوڵەتی ئیسلامی لە عێراق و سوریا' (داعش). [خاوەنی وێنە: پاسەوانی سنوریی عێراق]

بە دیارونای وت: "ئەم هەڵمەتە بەردەوامدانە بە هەڵمەتەکانی پێشوو كه‌ ئامانجی پاراستنی ناوچە بیابانیەکانە لە باکوری خۆرئاوای ئەنبار بەدرێژایی سنووری سوریا."

وتی: "هەڵمەتەکە ئاماژەیە بە دوایین هۆشداری بۆ تیرۆریستان کە یان خۆیان رادەستبکەن بە هێزەکانمان یان دەکوژرێن. هیچ بژاردەیەکی دیکەیان نیە."

وتی: "پاشماوەکانی داعش دەبێت ئاگاداربن لەوەی هێزە ئەمنیەکانمان بە زیندوویی دەستگیریان ناکەن گەر بڕیاربدەن خۆیان بشارنەوە لە پەناگەکانی بیاباندا." وتیشی: "بۆ هەر شوێنێك بچن سەربازانمان بەدوایان دەکەون."

خەفاجی وتی هەوڵەکانی هێزەکانمان بۆ ئەوەیە بنکە نهێنیەکانی داعش تێکبشکێنین و بەتەواوی ناوچەی بیابان پاکبکەینەوە لە بوونی هەر پاشماوەیەکی گروپەکە.

کارامەیی باشتر

خەفاجی وتی پاشماوەکانی داعش هەوڵدەدەن ئاڵۆزیی خاك و دۆڵەکانی ناوچەکە بەکاربهێنن بۆ خۆشاردنەوە لە هێزە عێراقیەکان، بەڵام هێزەکان "توانایان زیادیکردووە و ئەزمونیان زیاترە لە شوێنهەڵگرتن و لێدان لە پاشماوەکانی تیرۆر لە شوێنی دوورەدەستی بیابان".

وتی جیا لە هەندێك هێرشی سنووردار بۆسەر مەدەنیەکان کە داعش مانگی رابردوو لە خۆرئاوای ئەنبار ئەنجامیدا، گروپەکە "لەژێر فشاری سەربازییدا ماوەتەوە و زۆربەی سەرچاوەکانی لەناوچوون".

وتی: "هێزەکانمان زۆر تیرۆریستیان کوشتووە و دەستگیرکردووە، حەشارگە و ئامراز و چەکەکانیان لەناوبردوون و هیچ هێزێکیان پێنەهێشتوون لەکاتی هەڵمەتە ئەمنیەکانی بیابانی خۆرئاوادا."

وتی: "ئۆپەراسیۆنە هێرشبەرانەکانمان بەردەوامن بە ئامانجی لەناوبردنی دوایین تیرۆریست و بەهێزکردنی ئاسایشی تەواوی وڵات."

ئەم بابەتەت بەدڵە؟
104
5
Di icons no

3 كۆمێنت

رێوشوێنەکانی کۆمێنت نوسین Captcha
Comment bubble | 2018-11-19

گوندی عه‌فیته‌ی سه‌ربه‌ ناحیه‌ی ئه‌لعوبه‌یدی.

وه‌ڵام بده‌ره‌وه‌
Comment bubble | 2018-10-22

خودا بتانپارێزێت ئه‌ی قاره‌مانه‌كانی سوپای عێراق!

وه‌ڵام بده‌ره‌وه‌
Comment bubble | 2018-10-14

خودا خه‌ڵكی عێراق بپارێزێت!

وه‌ڵام بده‌ره‌وه‌