هه‌واڵه‌كانی عێراق
ئاساییش

هێزەکانی عێراق شانەیەك ده‌ستگیرده‌كه‌ن ناسنامەی ساختەی دروستکردووە بۆ پاشماوەکانی داعش

خالید تائی

هێزە ئەمنییەکانی نەینەوا 1 کانوونی دووەمی 2017 شانەیەکیان ده‌ستگیركرد کە بەڵگەنامەی فەرمی بۆ ئەندامانی"دەوڵەتی ئیسلامی" (داعش) تەزیوردەکرد. [خاوه‌ندارێتی وێنه‌: ده‌زگای ئاسایشی نیشتمانی]

هێزە ئەمنییەکانی نەینەوا 1 کانوونی دووەمی 2017 شانەیەکیان ده‌ستگیركرد کە بەڵگەنامەی فەرمی بۆ ئەندامانی"دەوڵەتی ئیسلامی" (داعش) تەزیوردەکرد. [خاوه‌ندارێتی وێنه‌: ده‌زگای ئاسایشی نیشتمانی]

وەزارەتی ناوخۆ رایگەیاند كه‌ ئاژانسی هەواڵگری و بەدواداچوونی فیدرالی عێراق سێشەممە (2 تشرینی یەکەم) ئەندامانی شانەیەکەی ده‌ستگیركرد کە ئەرکیان دروستكردنی بەڵگەنامەی فەرمیی ساخته‌ بووە بۆ پاشماوەکانی "دەوڵەتی ئیسلامی" (داعش) لە پارێزگای نەینەوا.

هێزێكی تایبەتی سەربە ده‌زگای هەواڵگریی وەزارەتەکە و بەڕێوبەرێتی دژەتیرۆریزم لە نەینەوا سێ ئەندامی شانەکەیان دەسگیرکرد لە هەڵمەتێکدا بۆسەر حەشارگەکەیان لە موسڵ دوای دەستکەوتنی زانیاری هەواڵگری و سەره‌دەوا لەلایەن دانیشتوانەکەوە.

وەزارەتەکە رایگه‌یاند كه‌ هێزەکە دەستیگرتووە بەسەر 750 ناسنامەی فەرمیی پڕنەکراوە و کارتی باری کەسێتی و بەڵگەنامەی نیشتەجێبوون و جنسیەدا.

وتی 67 نه‌خشه‌ی مۆر و قاڵبی فسفۆڕیان دۆزیەوە کە بەکارهاتوون لەگەڵ ئەو ئامێرانەی بۆ ساخته‌كردنی بەڵگەنامە بەکاردەهێنرێن.

راشیگه‌یاند كه‌ ئەندامانی شانەکە دانیانناوه‌ بەوەدا کە بەڵگەنامەیان تەزویرکردووە بۆ چەکدارانی داعش بۆئەوەی هاوکارییان بكه‌ن تا ناسنامەی راستەقینەیان بشارنەوە و لەلایەن هێزە ئەمنییەکانەوە ده‌ستگیرنه‌كرێن.

'نیشانەی ئەرێنیی خۆڕاگری'

ئەندامی لیژنەی ئەمنی له‌ ئەنجومەنی پارێزگای نەینەوا، بینیان جەربا ستایشی رۆڵی هێزە ئەمنییەکان و هەواڵگریی کرد بۆ ده‌ستگیركردنی شانەکە.

رۆژی چوارشەممە بە دیارونای وت: "ئەمە کارێکی گەورەیە و نیشانەیەکی ئەرێنیی خۆڕاگریی هێزەکانمانە لە راوەدوونانی چەکدارە تیرۆریستەکان و ئەوانەی هاوکارییان ده‌كه‌ن تا سزانەدرێن."

وتی: "تیرۆریستان هەموو شتێك دەکەن تا خۆیان لە هێزە ئەمنییەکان و دەزگاکانی هەواڵگری بشارنەوە." ئاماژەی بۆ ئەوەش کرد كه‌ هاتوچۆ بە بەڵگەنامەی ساختەوه‌ یەکێكە لەو تاکتیکانه‌ی پاشماوەکانی داعش بەکاریدەهێنن بۆئەوەی نەناسرێنەوە و بەئازادی بێن و بچن.

وتیشی دەسگیرکردنی شانەکە نیشانیدەدات كه‌ چالاکی تیرۆریستان "هێشتا کۆتایی نەهاتووە ... ئەمه‌ش پاڵمان پێوەدەنێت جارێکی دیکە داوای زیادکردنی کارەکانی هەواڵگری بکەین بۆ بەرپەچدانەوەی چالاکییەکانی تیرۆریستان و هەوڵەکانیان بۆ دەزکردنە ناو شارەکانمان و بوون بە هەڕەشە لەسەر ئارامی و ئاسایشی هاونیشتمانیەکانمان."

جەربا جەختیکردەوە كه‌ "رەوشی ئەمنی ئەمڕۆ لە موسڵ و بەشەکانی دیکەی نەینەوا باشە" و وتیشی ئەوە دەرئەنجامی "هەوڵە بێوێنەکانی" هێزە ئەمنییەکانە بۆ پتەوکردنی ئەمنییەت و ئاشكراكردنی پلانەکانی تیرۆریستان.

داوای پشتگیریكردنی هێزە ئەمنیەکانی نەینەواشی کرد به‌ ئەندام و ئامێری زیاتر.

ناوبراو وتی: "ئەرکی زۆر گەورە دراوە بەو هێزانە و ئەرکەکانیان وەك چۆن لێیان داواکراوە بەوشێوەیەش جێبەجێیدەکەن ... بەڵام دەبێت هێزی پشتیوانی زیاتریان پێبدەن و پڕچەك بن بە چەکی نوێ تا ئەوەی لەدەستیان دێت بیکەن بۆ پاراستنی پارێزگاکە."

ئەم بابەتەت بەدڵە؟

7 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500

به‌خودا، ئێوه‌ خۆتان سه‌لماند به‌ ده‌ستگیركردنی ساخته‌كاران له‌ بازاڕی موره‌یدی! ئه‌و ساخته‌كارانه‌ له‌سه‌ر شه‌قام رێك له‌ ته‌نیشت هێزه‌ ئه‌منییه‌كانه‌وه‌ داده‌نیشن.

وه‌ڵام بده‌ره‌وه‌

خودا سه‌رتانبخات، ئه‌ی قاره‌مانان!

وه‌ڵام بده‌ره‌وه‌

خودا بتانپارێزێت، ئه‌ی قاره‌مانانی عێراق!

وه‌ڵام بده‌ره‌وه‌

خودا قاره‌مانانی سوپا و حه‌شد و هه‌موو یه‌كینه‌ نیشتمانیه‌كانی عێراق بپارێزێت! به‌ڵێ، به‌ڵێ بۆ عێراق و نا بۆ تیرۆریزم و توندڕه‌وی!

وه‌ڵام بده‌ره‌وه‌

خودا بتانپارێزێت، ئه‌ی قاره‌مانانی هێزه‌ ئه‌منیه‌كانمان! شه‌رم و نه‌نگی بۆ به‌رازه‌كانی داعش.

وه‌ڵام بده‌ره‌وه‌

خودا بتانپارێزێت و ئاگای لێتان بێت!

وه‌ڵام بده‌ره‌وه‌

خودا هەوڵەکانی هەموو لقەکانی هێزە ئەمنیەکانمان بپارێزێت! لە سەرکەوتنەوە بۆ سەرکەوتن، بەویستی خودا.

وه‌ڵام بده‌ره‌وه‌