http://diyaruna.com/ckb/articles/cnmi_di/features/2018/09/28/feature-04

×
×

ئاساییش |

هێزەکانی عێراق هەڵمەتێکی نوێ دژی داعش ئەنجامدەدەن لە شەرگات

خالید تائی

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە

هێزەکانی عێراق ناوچەی بیابانی شەرگات دەگەڕێن بۆ پاشماوەکانی داعش له‌ 24 تەمموز. [خاوەنی وێنە: بەڕێوبەرێتی پۆلیسی سەڵاحەدین]

هێزەکانی عێراق و یەکەکانی هێزە خێڵەکییەکان هەینی (28 ئەیلول) دەستیانکرد بە هەڵمەتێکی ئەمنی بۆ دۆزینەوەی پاشماوەکانی "دەوڵەتی ئیسلامی" (داعش) کە لە شارۆچکەی شەرگات لە پارێزگای سەڵاحەدین خۆیان حەشارداوە.

یەکەکانی پۆلیسی ناوخۆ و سوپا و فەوجی 51 ی هێزەکانی حەشدی عەشایری لە شەرگات بەشدارن لە ئۆپەراسیۆنەکەدا.

هەڵمەتە نوێکە، کە دوای ئه‌و زنجیرە ئۆپەراسیۆنه‌ دێت كه‌ هەفتەیەکی خایاند، ئامانجی پاکردنەوەی دەوروبەری شاری شەرگات و ئەو شوێنە بچوکانەیە کە لە دەستی پاشماوەکانی داعشدان.

ئەفسەرێکی عێراقی هێزەکانی ئامادەدەکات بۆ هێرشێك بۆسەر حەشارگەیەکی داعش لەسەر رۆخی روباری دیجلە لە باشوری شەرگات له‌ 19 نیسان. [خاوەنی وێنە: بەڕێوبەرێتی پۆلیسی سەڵاحەدین]

فەرماندەی فەوجی 51 ی هێزە خێڵەکییەکان شێخ عەشام جبوری بە دیارونای وت: "دەستمانکردووە بە ئۆپەراسیۆنێکی دیکە بۆ ئەوەی دوژمن راوەدووبنێین." وتیشی نایەڵین چەکدارانی داعش "بۆ یەك سات بە دڵنیایی بحەوێنەوە".

هەڵمەتەکانی پێشتر سەرنجیان لەسەر گوندەکانی باشوری شەرگات بوو لەسەر کەناری روباری دیجلە تا بەعاج و چیاکانی مەکحول تا رۆخی بیابانی حەزەر.

ناوبراو وتی: "بەردەوام لە ئامادەباشیداین و ناوچەکان دەگەڕێین بۆ راوەدوونانی تیرۆریستەکان لەسەر دورگەکانی سەر روبارەکە و لە ئەشکەوت و دۆڵ و بیابانەکەشدا."

حەشارگەیەکی داعش لەناوبرا

جبوری وتی ئۆپەراسیۆنەکانی پاکردنەوە شەممەی رابردوو "بە هێرشێکی گەورە" دەستیانپێکرد.

وتی: "یەکینەکانمان بەهاوکاری لەگەڵ هێزەکانی پۆلیس و فەرماندەیی ئۆپەراسیۆنەکانی سەڵاحەدین ناوچەکەی نێوان گوندەکانی زاویە و چیای نەمل گەڕان."

وتیشی: "لە کاتی گەڕاندا قەڵایەکی داعشیان دۆزییەوە، دوای گەمارۆدان و پێکدادان لەدژیان، [چەکدارەکان] رایانکرد بۆ تونێلێك لە چیای [نەمل]."

"دواتر لە هێرشێکی ئاسمانیدا پێکران و تونێلەکەش تێكدرا."

وتی لە ئەنجامدا 11 ئه‌ندامی داعشی عێراقی کوژران لە هێرشە ئاسمانییەکەدا، كه‌ ناسنامە و شوێنی نیشتەجێبوونی دووانیان ئاشکراکراوە.

جبوری وتی چەك و تەقەمەنیش لە تونێلەکە دۆزرانەوە و دەستگیرا بەسەریاندا.

دوای هێرشەکە، گەڕان و پشکنین ئەنجامدرا بەڵام هیچ بەڵگەیەکی جموجۆڵی چەکدارەکانی داعش به‌دینه‌كرا.

وتی: "بڕوامان وایە ئەو هێرشە پشتی تیرۆریستەکانی شکاند لەو ناوچانەدا." وتیشی: "ئەمە مانای ئەوە ناگەیەنێت کە ئیتر مەترسی نەماوە."

هه‌روه‌ها وتی: "هەڵمەتەکانمان و هەوڵە ئەمنییەکانمان بەردەوامن بۆ ئاراستەکردنی توندترین گورز دژی پاشماوەکانی داعش."

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە
ئەم بابەتەت بەدڵە؟
17
0

0 كۆمێنت

رێوشوێنەکانی کۆمێنت نوسین Captcha