ئاساییش |

2018-08-07

ئۆتۆمبیلی بۆمبڕێژکراو و هێرشی خۆکوژی لە كه‌مبوونه‌وه‌دان له‌ عێراق

Di icons tw 35 Di icons fb 35

هێزەکانی پۆلیسی فیدراڵی عێراق دەستیانگرت بەسەر 23 ئۆتۆمبیلی بۆمبڕێژکراودا لەکاتی شەڕی ئازادکردنی موسڵدا لەدەست رێکخراوی "دەوڵەتی ئیسلامی لە عێراق و سوریا" (داعش). [وێنەکە لە پەیجی فەیسبوکی عێراقیەکانی لەندەنەوە وەرگیراوە]
هێزەکانی پۆلیسی فیدراڵی عێراق دەستیانگرت بەسەر 23 ئۆتۆمبیلی بۆمبڕێژکراودا لەکاتی شەڕی ئازادکردنی موسڵدا لەدەست رێکخراوی "دەوڵەتی ئیسلامی لە عێراق و سوریا" (داعش). [وێنەکە لە پەیجی فەیسبوکی عێراقیەکانی لەندەنەوە وەرگیراوە]

بەغدا، کە رۆژانێك شوێنی تەقینەوەی ئۆتۆمبیلی بۆمبڕێژکراو بوو، لە چەند مانگی رابردوودا هیچ هێرشێکی تیرۆریستی تێیدا رووینەداوە، پسپۆڕانی ئەمنی بە دیارونایان وت.

وتیان ئەمە نیشانەی باشتربوونی ئەدای دەزگا هەواڵگرییەکانی عێراق و پشتگیریی جەماوەریی بەهێزە بۆ هێزە ئەمنیەکان.

پارێزگاکانیئەنبارو نەینەوا و سەلاحەدینیش ئەمنیەتی باشتریان بەخۆوە بینیوە بەهۆی هەڵمەتی بەردەوامەوە بۆ نەهێشتنی رێکخراوی "دەوڵەتی ئیسلامی لە عێراق و سوریا" (داعش).

ئەمنیەتی باشترلە تەواوی عێراقدا بەهۆی دوایین ئۆپەراسیۆنە سەربازییەکانەوەیە کە زۆربەی شوێنەکانی دروستکردنی ئۆتۆمبیلی بۆمبڕێژکراو و بنکەی پشتگیریی لۆجستیان لە وڵاتەکە تێکشکاندووە، پسپۆڕی ئەمنی جاسم حەنون وتی.

حەنون بە دیارونای وت: "ئەمە سەرەڕای تێکشکاندنی ژێرخانی گروپەکە لە شەڕە گەورەکاندا، کە دواینییان شەڕی رزگارکردنی موسڵ بوو."

وتی گەشەکردنی توانا هەواڵگرییەکانی هێزە عێراقیەکان بەشداربووە لە سنووردارکردنی ژمارەی ئۆتۆمبیلە بۆمبڕێژکراوەکان، بە دۆزینەوەی هێڵی دابینکردنیان لەنێوان شارەکان و تێكشکاندنی زۆربەی ئه‌و جبەخانەی چەك و تەقەمەنیانه‌ی کە تێیاندا دروستدەکرێن.

حەنون وتی فاکتەرێکی بەهێزی دیکە لەپشت باشتربوونی ئەمنیەته‌وه‌ "کەمبوونەوەی پشتگیریی جەماوەرییە بۆ داعش"، چونکە گروپەکە ئەو پشتگیرییە لۆجستیەی لەدەستداوە کە پێشتر هاوڵاتیان بۆیان دابیندەکرد.

وتی هەر پشتگیرییەکی جەماوەری بۆ داعش مابێتەوە "لەئاستی فەرامۆشکردندایه‌ و کاریگەریی راستەقینەی نیە".

پەیوەندی باشتر

شێخ قەتەری سەمەرمەد عوبێدی، فەرماندە لە هێزە خێڵەکیەکانی پارێزگای ئەنبار، ستایشی پشتگیریی جەماوەریی کرد بۆ هێزە ئەمنیەکان، کە رۆڵێکی گرنگی هەبووە لە سنووردارکردنی توانای گروپە توندڕەوەکاندا بۆ ئەنجامدانی تەقینەوەی ئۆتۆمبیلی بۆمبڕێژکراو و هێرشی خۆکوژی.

وتی پەیوەندی نێوان خەڵکی ئەنبار و هێزە ئەمنیەکان لەم چەند ساڵەی دواییدا بەشێوەیەکی ریشەیی گۆڕاوە، بەشێوەیەك دانیشتوان زیاتر پشتگیریی هێزە ئەمنیەکان دەکەن و هەردوولا هاریکاریی یەکتر دەکەن لە پارێزگاریكردن لە ئاشتی و سەقامگیری.

عوبێدی وتی هاریکاریی نێوان هاوڵاتیان و سوپا و پۆلیسی خۆجێی و هێزەکانی حەشدی خێڵەکی "لەئێستادا روونە".

وتیشی کۆبوونەوەی دیاریکراو لەنێوان هەردوولادا ئەنجامدەدرێت بۆ خەمڵاندنی ئەو پشتگیرییە و بەهێزکردنی بەگوێرەی زانیاریی دراو لەلایەن خەڵکی ناوچەکانه‌وە.

وتی لەئێستادا عێراقیەکان ئەمنیەت بە "هێڵێکی سوور دەزانن کە کەس نابێت لێیدەربچێت یان سازشی لەسەر بکات،" بەتایبەتی "خەڵکی ئەنبار کە هێشتا یادەوەریی تاڵی ئاوارەیی و دەستدرێژی و کوشتاریان له‌بیرە بەدەستی داعش".

دۆخی سیاسیی سەقامگیر

سەرۆکی ئەنجومەنی قەزای سەلاحەدین، خالید خەزرەجی، وتی دۆخی سیاسیی تاڕادەیەك سەقامگیر لە وڵاتدا رۆڵێکی گرنگی هەبووە لە سەقامگیرکردنی دۆخی ئەمنی و کەمبوونەوەیه‌كی بەرچاو لە هێرشی ئۆتۆمبیلی بۆمبڕێژکراودا لە تەواوی عێراقدا.

وتی: "ململانێی سیاسی وادەکات تیرۆریستان پشتگیریی ئەو کەسانە بدۆزنەوە کە یارمەتییان دەدەن لە ئەنجامدانی هێرشەکانیاندا و پاساوی لادانی ئایدۆلۆژییان دەبن."

وتیشی: "ئەوان ململانێی لەوشێوەیە بە دەرفەتێکی گەورە دەزانن بۆ دروستکردنی پشێوی لە وڵاتدا."

خەزرەجی وتی لەئێستادا کە دۆخی سیاسی هێندە شلۆق نیە، توندڕەوان پاساویان نەماوە بۆ بڵاوکردنەوەی ئەجێندای توندڕەوی خۆیان لەنێو خەڵکی عێراقدا و بەوهۆیەوە "ئەوان گەمارۆدراون و وەك پێشتر ناتوانن ئازادانە بسوڕێنەوە".

ئەم بابەتەت بەدڵە؟

3 Di icons no

0 كۆمێنت

* واتە ئەم خانەیە پێویستە
Captcha