هه‌واڵه‌كانی عێراق
ئابوری

عێراق به‌رنامه‌یه‌كی تواناسازی دەستپێدەکات بۆ ئاوارەکان

خالید تائی

کاربەدەستانی پارێزگای سەلاحەدین چاودێریی دابەشکردنی قەرز دەکەن. [خاوەنی وێنە: بەڕێوبەرێتی راهێنان و دامەزراندنی پارێزگای سەلاحەدین]

کاربەدەستانی پارێزگای سەلاحەدین چاودێریی دابەشکردنی قەرز دەکەن. [خاوەنی وێنە: بەڕێوبەرێتی راهێنان و دامەزراندنی پارێزگای سەلاحەدین]

حکومەتی عێراق ئامادەکاری دەکات بۆ دەستپێکردنی به‌رنامه‌یه‌كی خزمەتگوزاریی فراوان بۆ دابینکردنی سەرچاوەی داهات بۆ ئاوارە گەڕاوەکان.

لەڕێی به‌رنامه‌یه‌كه‌وه‌ به‌ناوی پارە-بۆ-کار، حکومەت هەوڵدەدات رۆڵی دانیشتوان بەهێزبکات لە بنیاتنانەوە و پەرەپێدانی ناوچەکەیاندا دوای شکستهێنان بە رێکخراوی "دەوڵەتی ئیسلامی لە عێراق و شام" (داعش).

وتەبێژێكی وەزارەتی كار، عەمار مونعیم، وتی پرۆگرامەکە هەموو ئه‌و ئاوارانه‌ی ناوچەکانی ئەنبار، نەینەوا، سەلاحەدین، کەرکوك، دیالە و بەغدا ده‌گرێته‌وه‌ کە خۆیان لە داتابەیسی وەزارەته‌كه‌دا تۆمارکردووە.

مونعیم بە دیارونای وت: "بیرۆکەکە ئەوەیە ئیشی کاتی بدرێتە [ئاوارە] گەڕاوەکان و وزەیان لە بنیاتنانەوەی شارەکاندا بەکاربهێنرێت."

ئاوارە عێراقیەکان سواری پاسێك دەبن تا کەمپەکەیان جێبهێڵن و بگەڕێنەوە بۆ شارەکەی خۆیان لەسەر سنوری خۆرئاوای ئەنبار، قائیم. [خاوەنی وێنە: وەزارەتی کۆچ و کۆچبەران]

ئاوارە عێراقیەکان سواری پاسێك دەبن تا کەمپەکەیان جێبهێڵن و بگەڕێنەوە بۆ شارەکەی خۆیان لەسەر سنوری خۆرئاوای ئەنبار، قائیم. [خاوەنی وێنە: وەزارەتی کۆچ و کۆچبەران]

وتی خەڵکانی گەڕاوە ده‌توانن خۆیان خۆتۆماربكه‌ن بۆ قەرزی مەرج-ئاسان تا یارمەتییان بدات لە بنیاتنانەوە و دامەزراندنەوەی كاروكاسبیه‌كانیان، کە ده‌توانێت گوڕێك بدات به‌ ئابوریی ناوخۆ.

سوککردنی باری سەرشانی گەڕاوەکان

ئەم به‌رنامه‌ 200 ملیۆن دۆلارییە لەلایەن بانکی نێودەوڵەتییەوە پشتگیری دارایی دەکرێت و لەلایەن وەزارەتی کارەوە جێبەجێدەکرێت بە هاوکاریی وەزارەتەکانی پلاندانان و دارایی و بەشداریی رێکخراوە ناحکومییەکان.

مونعیم وتی وەزارەت هەموو ئامادەکارییە لۆجستییەکانی تەواوکردووە و "چاوەڕێی پارەکەیە بگوێزرێتەوە بۆ وەزارەت تا دەست بە پرۆگرامەکە بکرێت".

وتیشی: "بەهیواین لەڕێی ئەم پرۆگرامەوە باری سەرشانی خەڵکە گەڕاوەکە سوكبکەین، دۆخی ژیانیان باشتربکەین و بەشدارییان پێبکەین لە هەوڵی بنیاتنانەوەی شارەکانیان و فەراهەمکردنی سەقامگیریدا."

مونعیم وتی ئامانجێکی دیکەی پرۆگرامەکە هاندانی ئاواره‌ عێراقییه‌كانی تریشه‌ بۆ گەڕانەوە.

وتی بۆ ئەم مه‌به‌سته‌ش، ماوەیەکە حکومەت پشتگیریی دارایی دەبەخشێتە ئاوارەکان و راهێنانی پیشەییان پێدەکات لەگەڵ دامەزراندن.

پێدانی یارمەتی و پشتگیری

وتیشی ماوەیەکە وەزارەتی کار خزمەتگوزاریی چارەسەری دەروونی و بنیاتنەر دەبەخشێتە خەڵکەکە، تا یارمەتییان بدات بەسەر مەینەتییەکانیاندا سەربکەون و تێکەڵی کۆمەڵگە ببنەوە.

مونعیم وتی: "خزمەتگوزارییەکانمان بۆ هەموو ئاوارەکانە،تەنانەت دوای ئەوەی دەگەڕێنەوە شوێنی خۆیان."

وتیشی وەزارەتی کار پرۆژەیەکی دەستپێکردووە بۆ هاندانی خێزانە تۆمارکراوەکان لە تۆڕی پاراستنی کۆمەڵایەتیدا بۆ سوودبینین لە خزمەتگوزاری تەندروستی و پەروەردەیی.

هه‌روه‌ها وتی: "پرۆژەکە بەخشینی پارەی مانگانەی تێدایە بۆ خێزانەکان بە مەرجی خەرجکردنی تەنیا لە خزمەتی پەروەردە و تەندروستیی منداڵەکانیاندا،" بەجۆرێك ئه‌و خێزانانه‌ی ده‌یانگرێته‌وه‌، 25,000 دینار (21 دۆلار)یان بۆ هەر منداڵێك پێدەدرێت.

وتی لەئێستادا پرۆگرامەکە لە مه‌دینه‌ سەدری بەغدا تاقیدەکرێتەوە و وتیشی وەزارەت هیوای وایە لە چەند ناوچەیەکی هەژارنشین تاقییبکاتەوە، بەتایبەتی لەوانەی پێشتر لەلایەن داعشەوە کۆنترۆڵکرابوون.

گەڕانەوەی خۆبەخشانە هاندەدرێت

بەڕێوبەری نوسینگەی نەینەوا لە وەزارەتی کۆچ و کۆچبەران، خالید عەبدولکەریم، وتی: "هەموو خزمەتگوزارییەکانمان ئاراستەی ئاوارەکان کراوە."

عەبدولکەریم بە دیارونای وت خەڵکانی ئاوارە هاندەدرێن خۆبەخشانە بگەڕێنەوە ناوچەکانیان و چارەسەری هەموو ئەو بەربەستانە دەکرێت کە رێگری له‌ گەڕانەوەیان ده‌كه‌ن.

وتی: "وەك بەشێك لە ئەرکەکانمان، کۆمەكی خواردن و خزمەتگوزاری پشتگیریی دەروونی و خوێندن و پەروەردە و تەندروستی و خزمەتگوزاریی تری مرۆیی پێشكه‌شده‌كه‌ین."

وتیشی: "خزمەتگوزارییەکانمان دەگه‌نه‌ هەموو ئەو خێزانانە و به‌دواداچوون بۆ بارودۆخیان ده‌كه‌ین تەنانەت دوای گەڕانەوەشیان، بە هاوکاریی دەزگا و رێکخراوە پەیوەندیدارەکانی دیکە."

نزیکەی 200,000 ئاوارەی نەینەوا هێشتا لە 14 کەمپدان لە پارێزگاکە، لەکاتێکدا حکومەت کاردەکات بۆ کۆتاییهێنان بە قەیرانەکە.

ئەم بابەتەت بەدڵە؟

2 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500

من چالاكوانێكی مه‌ده‌نیم، له‌گه‌ڵ تیمێك له‌ خۆبه‌خشان كارده‌كه‌م له‌ رێكخراوێكی ناحكومیدا. هیوادارین بتوانین له‌گه‌ڵ ئێوه‌ پێكه‌وه‌ كاربكه‌ین تا ئه‌م كاره‌ سه‌ركه‌وتوو بێت.

وه‌ڵام بده‌ره‌وه‌

ئاوارە!

وه‌ڵام بده‌ره‌وه‌