هه‌واڵه‌كانی عێراق
کۆمەڵگا

مزگەوتی مێژوویی نوری له‌ موسڵ بنیاتدەنرێتەوە

خالید تائی

بەرپرسانی عێراق زیانەکانی مزگەوتی نوری موسڵ دەخەمڵێنن دوایئەوەی لەلایەن رێکخراوی 'دەوڵەتی ئیسلامی' (داعش)وە تەقێنرایەوە لە حوزەیرانی 2017. [خاوەندارێتی وێنە: دەسەڵاتی وەقفی سونی لە نەینەوا]

بەرپرسانی عێراق زیانەکانی مزگەوتی نوری موسڵ دەخەمڵێنن دوایئەوەی لەلایەن رێکخراوی 'دەوڵەتی ئیسلامی' (داعش)وە تەقێنرایەوە لە حوزەیرانی 2017. [خاوەندارێتی وێنە: دەسەڵاتی وەقفی سونی لە نەینەوا]

دەسەڵاتی وەقفی سونی عێراقی پێنجشەممە (3 ئایار) رێککەوتنێکی ئیمزاکرد لەگەڵ رێکخراوی پەروەردە و زانست و کولتوری نەتەوە یەکگرتووەکان (یونسکۆ) بۆ بنیاتنانەوەی مزگەوتی گەورەی نور و منارەی حەدبای هێمای شارەکە لە موسڵ.

رێککەوتنەکە تەواوکەرییاداشتێکی لێکتێگەیشتنە کە لەلایەن وەزارەتی رۆشنبیری عێراقه‌وه‌ لەگەڵ وەزارەتی رۆشنبیری ئیمارات و یۆنسکۆوە ئیمزاکرا لە 23 نیسان کە بەگوێرەی رێککەوتنەکە ئیمارات خەرجیی چاککردنەوەی مزگەوتەکە لەئەستۆدەگرێت لەماوەی پێنج ساڵدا.

رێکخراوی "دەوڵەتی ئیسلامی" (داعش) مزگەوتی نوریی موسڵی تەقاندەوە لەگەڵ منارەی لاری نمونەیی سەدەی دوازده‌، لە 21 حوزەیران پێشئەوەی چۆڵیبکەن كاتێك هێزەکانی عێراق نزیکبوونەوە.

سەرکردەی گروپەکە، ئەبوبەکر بەغدادی، یەکەم دەرکەوتنی گشتی لە مینبەری مزگەوتەکەوە بوو لە 4 تەمموزی 2014 و رایگەیاند کە "خەلافەتێکی" دامەزراندووە و خۆیشی وەك "خەلیفەی موسڵمانان" راگەیاند.

منارەی حەدبای مزگەوتی نور، كه‌ هێمایه‌كی مێژوویی بوو لە موسڵ، لەلایەن رێکخراوی 'دەوڵەتی ئیسلامی' (داعش)وە تێکشکێنرا لە حوزەیرانی 2017. [خاوەندارێتی وێنە: دەسەڵاتی وەقفی سونی لە نەینەوا]

منارەی حەدبای مزگەوتی نور، كه‌ هێمایه‌كی مێژوویی بوو لە موسڵ، لەلایەن رێکخراوی 'دەوڵەتی ئیسلامی' (داعش)وە تێکشکێنرا لە حوزەیرانی 2017. [خاوەندارێتی وێنە: دەسەڵاتی وەقفی سونی لە نەینەوا]

منارە لارەکەی مزگەوتەکە کە بەناوی سوڵتان نورەدین زەنکییەوە ناونراوە و لە ساڵی 1172 تەواوبووە بۆ ماوەیەکی زۆر هێمای ناسنامەی کولتووریی موسڵ بوو.

مزگەوتەکە بەتەواوی چاکدەکرێتەوە

بەرپرسی وەقفی سونی لە پارێزگای نەینەوا، ئەبوبەکر کەنعان، وتی وەقفی سونی هاوکاری یونسکۆ دەکات بۆ بنیاتنانەوەی ئەو دوو مۆنۆمێنتە دێرینە.

کەنعان بە دیارونای وت تیمێکی تەکنیکی نەتەوە یەکگرتووەکان شەش رۆژ لەمەوبەر "سەردانی شوێنی تەقینەوەکەیان کرد بۆ وەرگرتنی نمونەی بەرد و ئەو مادانەی مزگەوت و منارەکەی پێ بنیاتنراوە بۆ ئەنجامدانی پشکنینی تەکنیکی کە بۆ بنیاتنانەوە پێویستن."

وتیشی پەرژینێك بەدەوری شوێنەکەدا هەڵدراوە بۆ رێگرتن لە تاڵانی و لەدەستدانی هەر كه‌له‌پورێكی دێرین.

کەنعان وتی ئیمارات "پارە بۆ پڕۆژەی بنیاتنانەوەکە دابیندەکات کە پێدەچێت ئەم مانگە دەستپێبکات" و ئاماژەشی دا بەوەی پرۆژەکە لەماوەی پێنج ساڵدا تەواودەبێت لەژێر چاودێریی شارەزایانی ئیتالیدا.

وتەبێژی وەزارەتی رۆشنبیریی عێراق، عومران عوبێدی، بە دیارونای وت ئیمارات 50.4 ملیۆن دۆلاری تەرخانکردووە بۆ پرۆژەی بنیاتنانەوەی مزگەوتی نوری و منارەی حەدبا.

بڕە پارەکە لەلایەن وەزیری رۆشنبیریی ئیماراته‌وه‌، نورا کەعبی، راگەیەندرا لەکاتی سەردانێکی ئەمدواییەیدا بۆ بەغدا.

عوبێدی وتی یاداشتی لێکتێگەیشتنەکە لەگەڵ ئیمارات "هەنگاوێکی گەورەیە بەرەو بنیاتنانەوەی هەموو مۆنۆمێنتە مێژویی و شوێنەوارەکان کە لەلایەن تیرۆرستانەوە تێكدراون."

وتیشی ئەمە نیشانەی "هەستێکی بەرپرسیارانەی نێودەوڵەتییه‌ بۆ پاراستنی میراتی کولتووریی عێراق."

هه‌روه‌ها وتی: "ئێمە هەماهەنگی دەکەین لەگەڵ وڵاتانی تردا بۆ یارمەتیدانی کۆکردنەوەی زانیاری سەبارەت بە ناوچە مێژوییەکان کە لەلایەن [گروپە تیرۆرستەکانه‌وه‌ لە عێراق] تێكدراون بۆئەوەی زیانەکان هەڵسەنگێنرێن کە ئەنجامیانداوە و بۆ مەشقکردنیش بە بەرپرسانی عێراق لە کاری چاککردنەوەدا."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500