هه‌واڵه‌كانی عێراق
تێرۆریزم

داعش په‌لده‌كێشێت بۆ دەشتی ئیدلیب و سنووری حەما

وەلید ئەبولخەیر لە قاهیرە

چەکدارێکی "دەوڵەتی ئیسلامی" (داعش) سه‌نگه‌ری گرتووه‌ لە دەشتی حەما، ئەو شوێنەی داعش و رکابەرەکەی، تەحریر شام، تیایدا شەڕی یەکتریان کرد سەرباری شەڕی رژێم. [خاوەنی وێنە: موعتەز عیمران]

چەکدارێکی "دەوڵەتی ئیسلامی" (داعش) سه‌نگه‌ری گرتووه‌ لە دەشتی حەما، ئەو شوێنەی داعش و رکابەرەکەی، تەحریر شام، تیایدا شەڕی یەکتریان کرد سەرباری شەڕی رژێم. [خاوەنی وێنە: موعتەز عیمران]

"دەوڵەتی ئیسلامی" (داعش) په‌لیكێشاوه‌ بۆ ناوچە سنووریەکانی ئیدلیب و حەما لە باکوری رۆژئاوای سوریا و چۆتەوە ناو چەند گوندێكەوە کە پێشتر لە ژێر کۆنتڕۆڵیدا بوون.

چالاکوانان بە دیارونایان وت کشانەوەی لەناکاوی رکابەرەکەی داعش، تەحریر شام، لە زۆر پێگه‌ و شارۆچکە لە دوای هێرشی رژێمی سوریاوە رێگەی بۆ بەرفراوانبوونی داعش کردۆتەوە.

بەرەبەیانی چوارشەممە (10 کانونی دووەم)، داعش توانی پێشڕەویبکات بەرەو ئەو ناوچەیەی هەردوو پارێزگای ئیدلیب و حەما لە یەکتری جیادەکاتەوە و چەندین گوند بگرێت.

چالاکوان موعتەز عیمران لە شارۆچکەی حەلفایای پارێزگای حەما بە دیارونای وت شوێنە گیراوەکان بریتین له‌ تله‌یحان و موسه‌یتبە و ئەبو کەهف و سوکەری و ئوم سەهریج لە باکوری دەشتی حەما و باشوری دەشتی ئیدلیب.

ئەو ناوچانەی داعش داگیریکردوونەتەوە پێشتر لەژێر دەستی تەحریری شام بوون، کە رکابەرێتی و هاوپەیمانییەکی توندڕەوە و بەرەی نوسرەی پێشتر تیایدا زاڵە.

عیمران وتی ئەو شوێنانە بە پێگەی سەربازی گرنگ دادەنران بەڵام هاوپەیمانێتیەکە بەتەواوەتی کشایەوە و رێگایکردەوە بۆ ئەوەی داعش بێتەوە ناوچەکە.

عیمران وتی دوای پێشڕەویەکان "داعش زیاتر لە 50 شارۆچکە و گوندی خستۆتەژێر کۆنترۆڵی خۆیەوە لە پارێزگاكانی ئیدلیب و حەما".

وتی دانیشتوانی ئەم ناوچەیە هەڵهاتوون بۆ ناوچەی ئه‌مینتر لە ئیدلیب و لەوێش کەوتوونەتە بەر گولەی شەڕی نێوان داعش و رژێمی سوریا، كه‌ ئەوانیش لەو دەوروبەرەدا جێگیربوون.

ئەم بابەتەت بەدڵە؟

1 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500

داعش چیتر ناتوانێت هیچ شتێك بکات. ئەوان تەواوبوون!

وه‌ڵام بده‌ره‌وه‌