هه‌واڵه‌كانی عێراق
ئاساییش

ستراتیژێکی نوێی عێراق بۆ پاککردنەوەی ناوچە رزگارکراوەکان لە مین

خالید تائی

حکومەتی عێراق بەمدواییانە ستراتیژێکی نوێی داڕشتوە بۆ پاککردنەوەی وڵاتەکە لە مین. لێرەدا کرێکارێکی عێراقی دەبینرێت کە ناوچەکە پاکدەکاتەوە لە مین. [وێنەکە لە پەیجی فەیسبوکی بەڕێوەبەرایەتی کاروباری مینی عیراق وەرگیراوە]

حکومەتی عێراق بەمدواییانە ستراتیژێکی نوێی داڕشتوە بۆ پاککردنەوەی وڵاتەکە لە مین. لێرەدا کرێکارێکی عێراقی دەبینرێت کە ناوچەکە پاکدەکاتەوە لە مین. [وێنەکە لە پەیجی فەیسبوکی بەڕێوەبەرایەتی کاروباری مینی عیراق وەرگیراوە]

حکومەتی عێراق سێشەممە (14 تشرینی دووەم) رایگەیاند ستراتیژێکی نەتەوەیی نوێی داڕشتووە بۆ نەهێشتنی مین و تەقەمەنی نەتەقیو لە وڵاتەکە، بە سەرنج خستنە سەر ئەو ناوچانەی لەدەستی رێکخراوی "دەوڵەتی ئیسلامی" (داعش) رزگارکراون.

ستراتیژەکە پلانێکی نوێی کارکردنی تێدایە کە تا ساڵی 2021 دەخایەنێت.

بەڕێوەبەری بەڕێوەبەرایەتی کاروباری مینی عێراق، خالید رەشاد، بە دیارونای وت وەزارەتی تەندروستی و ژینگە هەماهەنگیان کردووە لەگەڵ وەزارەتەکانی ناوخۆ و بەرگری و پلاندانان بۆ گەشەپێدانی ستراتیژیەتەکە.

وتیشی هاوبەشە نێودەوڵەتیەکانی وەك پرۆگرامی گەشەپێدانی نەتەوە یەکگرتوەکانیش بەشداردەبن لەو ستراتیژەدا.

هەروەها وتی: "ئەم پلانە هاوتەریبە لەگەڵ داوای عێراق بۆ درێژکردنەوەی بەشداریکردنی لە جاڕنامەی قەدەغەکردنی مینی ئۆتاوا بۆ ماوەی 10 ساڵی دیکە، تا 2028."

رەشاد وتی: "لەڕێگەی هەوڵی هاوبەشەوە، هەوڵماندا قەبارەی کێشەی مین دیاریبکەین و چۆن هەموو پسپۆڕییە هونەریی و توانا داراییەکانمان بەکاربهێنین بۆ کەمکردنەوەی مین و وڵاتەکە بەتەواوی رزگاربکەین لە تەقەمەنی."

بڵاوبونەوەی مین

عێراق کێشەی بڵاوبونەوەی مینی هەیە، کە بە 25 ملیۆن مین و تەقەمەنی نەتەقیو دەخەمڵێنرێت کە دەگەڕێتەوە بۆ رۆژانی شەڕی ئێران-عێراق.

کێشەکە خراپتربووە دوای ئەوەی داعش بە سەدان هەزار بۆمبی دەستکردی لە ناوچەکانی ژێردەستیدا چاند.

ئەو بۆمبە دەستکردانە، زۆربەیان لەناوخۆ دروستکرابوون، زۆر قوربانی لێکەوتۆتەوە، کە زۆربەیان خەڵکی ئاوارەبوون و گەڕاونەتەوە بۆ ناوچەکانیان دوای ئەوەی چەکدارەکان دەرکراون.

رەشاد وتی: "بە سەختی کاردەکەین بۆ پاککردنەوەی ناوچەی تەنراو بە پاشماوەکانی داعش. تائێستا نزیکەی 200,000 بۆمبی دەستی و مینمان هەڵگرتۆتەوە لە چەند ناوچەیەکی فراوانی پارێزگاکانی ئەنبار و نەینەوا."

وتیشی بەڵام ئەرکەکە پڕئاستەنگە، چونکە ناوچەکانی مین فراوانن و کاری زۆر زیاتریان پێویستە.

وتیشی: "ستراتیژە نوێیەکەمان تەرکیز دەخاتە سەر پێویستی بەهێزکردنی هاوبەشی و هەماهەنگی لەگەڵ وڵاتانی دیکە بۆ زاڵبوون بەسەر ئەو ئاستەنگەدا بە دابینکردنی پاڵپشتی پسپۆڕی و هونەریی بۆ تیمە [دژە-مینەکانمان]."

وتیشی ئەمە یارمەتی خێراکردنی هەوڵەکانی نەهێشتنی مین دەدات.

رەشاد جەختیکردەوە لەسەر ئەوەی نەهێشتنی مین "تەنیا بەرپرسیارێتی عێراق نیە، بەڵکو هی کۆمەڵگەی نێودەوڵەتیشە".

وتی پلانە ستراتیژیەکە تەرکیزیش دەخاتە سەر "بەرزکردنەوەی ئاستی هۆشیاری و پەروەردەی خەڵك بۆ خۆلادان لە مەترسیەکانی مین و دابینکردنی خزمەتگوزاری تەندروستی و گێڕانەوە دۆخی ئاسایی جەستەیی و دەروونی بۆ ئەوانەی لە تەقینەوەی میندا برینداربوون".

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500